DE MOITAS CORES

Xa vemos polos comentarios que o encontro con Blanca Álvarez foi todo un éxito. A verdade é que, aínda que con pouco tempo, poidemos falar con ela de moitas cousas: das súas lembranzas de nena, de como se plantexa a escritura das súas novelas e do moito que lle interesa que os nenos e nenas estean informados do que acontece no mundo. Un bo momento que disfrutamos e que nos anima a seguir planificando este tipo de actividades. Unha vez máis descubrimos que a lectura nos abre as portas a moitos tipos de coñecemento.

Este ano a festa das nosas letras fainos un regalo moi especial; un regalo co que todos, grandes e pequenos, podemos disfrutar: a obra dun home de múltiples facetas, dun estudoso, editor, mestre e gran escritor.

Xosé Mª Álvarez Blázquez e o seu libro de poemas “Roseira do teu mencer” vannos acompañar durante as semanas vindeiras; con eles aprenderemos a xogar coas palabras, a recrear versos e a disfrutar da música que emana de cada un dos poemas aquí recollidos.

Temos tamén a posibilidade de escoitalos musicados por Eloi Caldeiro.

Agardamos a visita da escritora Blanca Álvarez, coa que imos falar do seu libro “Una tropa de hermanos”.

Libro que nos achega a distintos países: Haití, Senegal, Eritrea… e nos amosa a súa riqueza cultural, a súa historia e ao que é máis importante: ás súas xentes.