Archive for febrero, 2008

UNHA VISITA MOI DESEXADA

Fina Casalderrey estivo hoxe, venres 29, no noso cole e o alumnado do 2º e o 3º ciclo poido disfrutar da súa compañía. Coñeciamos a súa obra, moitos dos seus libros están na nosa Biblioteca e traballamos algúns nas clases, pero o que non coñeciamos era a súa encantadora persoalidade, a súa capacidade de comunicar e seducir coa palabra, a súa simpatía e a súa capacidade para ternos a todos e a todas engaiolados durante o tempo que permaneceu con nós.

Así que… moitas grazas, Fina, polos teus libros e polo tempo que nos adicaches.

Fina CasalderreyFirmando libros

Comments (11) »

SESIÓNS DE FORMACIÓN DE USUARIOS NA BIBLIOTECA

Estamos a desenvolver na Biblioteca do colexio unha actividade moi interesante: a formación de usuarios.

Grazas á colaboración de Quique Lema, bibliotecario e pai dun alumno e dunha alumna do centro, todo o terceiro ciclo aprenderá a utilizar os recursos tanto bibliográficos como informáticos que as Bibliotecas poñen á nosa disposición. E todo isto a través de xogos e probas que, ademais de ensinar, fan que pasemos un momento agradable e divertido.

Desde aquí queremos agradecerlle a Quique a súa xenerosa colaboración.

Formación de usuarios

Comments (6) »

MOCHILAS VIAXEIRAS: un préstamo familiar.

As familias dos nenos e nenas de 2º e 3º de Ed. Infantil e do 1º Ciclo de Primaria podedes facer uso desta nova modalidade de préstamo: unha mochila que contén diverso material que a Biblioteca pon á vosa disposición para que o disfrutedes na casa. Contos para ler e mirar, contos para contar, cancións para escoitar e cine para ver xuntos e comentar.

Cinco mochilas que podedes ter con vós un tempo e que agardamos sexan do voso agrado, e poidan circular polo maior número de familias posible.Mochilas viaxeiras

Aquí tedes o que contén cada unha.

CONTIDO DAS CINCO MOCHILAS

Comments (1) »

POEMAS PARA AMINA

Estes son algúns dos poemas que os nenos e as nenas de 5º lle queremos adicar a Amina, a rapaza protagonista do libro “A lagoa das nenas mudas”. Se queredes engadir máis estades a tempo.
A lagoa das nenas mudasFun malo contigo,

sentinme ferido.

Pero agora volvo

a carón do teu abrigo.

Lara

 

Chegaches da lúa

con miles de estrelas;

chegaches da lúa,

déchesme unha delas.

Hugo

Quero pregarche

a ti, querida Amina.

Quero preguntarche

se queres ser miña amiga.

Alba

Daquela achegueime,

as miñan mans deiche.

Daquela alonxeime

e adeus supliqueiche.

Laura

Viñeches un día

de alá, de moi lonxe.

Viñeches un día

sen ningún reproche.

Andrea

Cos ollos de ouro

e coas mans de prata,

sorriso precioso

e ollada branca.

Jacobo

Amina Nwapa

es moi guapa,

es coma un bombón;

dígocho de corazón.

Diego

Sexas loira ou negra,

azul, amarela,

sempre nos terás

contigo, á túa beira.

Gabriel

Amina Nwapa

non sabías falar,

mais despois dun tempo

poidécheste aledar.

Nuno García

Desde a África negra

ata a España branca,

non por carretera

pola mar azulada.

Nuno Riveiros

Comments (3) »

AZUR Y ASMAR: unha historia para todas as idades

Azul y AsmarAzul y Asmaraa3.jpg

Azur, loiro e de ollos azuis, e Asmar, moreno e de ollos negros, medran xuntos coidados pola mesma muller, nai de un e nodriza do outro. Xuntos comen, durmen, xogan, discuten… Ata que un día a vida os separa e seguen camiños moi diferentes. Cando se atopan de novo, xa mozos, convértense en inimigos.

Situada na Idade Media, esta historia móstranos o abraiante momento en que as civilizacións cristiana, xudea e musulmana conviviron e intercambiaron ideas, costumes e coñecementos. Un auténtico cántico á convivencia pacífica entre os pobos.

Comments (11) »